Nagguwa sa latest annual report halin sa US State Department nga nagaapekto sa government offices kag mangin sa private businesses ang kurapsyon nga madugay na nga seryoso nga problema sa Pilipinas.
Ang nasambit nga report ang naga-review sa kun ano ka epektibo kag safe ang iban nga pungsod para sa investment.
Santu sa report, ang Pilipinas ang yara sa rank 114 gikan sa 180 ka mga pungsod sa Transparency International’s 2024 Corruption Perceptions Index. Buot silingon, nagapadayon sa gihapon ang kurapsyon nga ginalantaw bilang mayor nga concern sa Pilipinas.
Pila man ka mga international organizations lakip na ang World Economic Forum ang nagsiling nga ang kurapsyon ang isa sa mga mayor nga pagpanghangkat sa pagbutang sang Negosyo sa pungsod.
Apang may yara man sang good news. Bangud sang Pebrero 24, ginkakas sang Financial Action Task Force (FATF) ang Pilipinas nagikan sa “grey list.” Ini nga listahan ang nagalakip sang mga pungsod nga kinahanglan nga i-improve ang pagpanikasog batuk sa money laundering kag terrorist financing. Ang pagkakas sa Pilipinas nagapakita nga may yara man sang progress sa paghugot sang pagsulundan kag pagpatuman sa nasambit nga mga concerns.
Katuyuan sang Investment Climate Report sang US State Department amo nga mabuligan ang mga American companies nga mahangpan ang kondisyon sang Negosyo sa masobra 170 ka mga pungsod. Ang report ang base sa obserbasyon halin sa US embassies sa bilog nga kalibutan lakip na ang embahada sa Manila.
Suno sa report, wala masami ginapatuman ang business rules sa Pilipinas.
Pila ka mga American companies ang nagasiling nga nabudlayan ang mga ini nga mag-rehistro sang ila mga Negosyo kag makig-angot sa customs kag immigration offices.
Isa sa mga ahensya nga ginhingadlan sa report amo ang Bureau of Customs nga gin-identify nga isa sa mga pinaka-kurap nga ahensya sa pungsod.
Ginlawag man sa report ang mga kaso sa diin naka-eksperyensya ang US businesses sang unnecessary searches, inconsistent fees, kag pagpangayo sang suhol sang pila ka mga customs officers.
Na-mention man sa report ang judicial system sang Pilipinas sa diin ginlaragway ang sistema nga mahinay, komplikado kag kun kaisa kurap sa diin mabudlay para sa mga investors nga i-resolve sang patas kag madasig ang business disputes.
Bangud sini, madamo sang investors ang mas ginapili nga indi na lang pagdal-on sa korte ini bangud sa ginaalegar delays kag posible kurapsyon.
Apang sa pihak sang issue, ginpahayag sa report nga may mga tikang man nga ginhimo ang Pilipinas agud pakigbato-an ang kurapsyon.
Sang 2023, gin-ratipikahan sang Pilipinas ang United Nations Convention Against Corruption, nga amo ang global agreementa agud malikawan kag mapakigbato-an ang kurapsyon.
Ang kabug-osan nga mensahe sang report ang nagatumod sa kurapsyon nga nagapabilin nga mayor nga pagpanghangkat sa pagbutang sang Negosyo sa Pilipinas kag ang ini nga problema ang padayon man nga naga-discourage sa madamo nga foreign investors.
