Kumpyansa ang LA28 officials nga madayon ang Los Angeles Olympics sa pihak sang direktiba ni US President Donald Trump nga i-ban ang mga tawo nagikan sa 12 ka mga pungsod nga magsulod sa Estados Unidos magluwas lang sa mga atleta.
Nagpirma si President Trump sang proklamasyon sang damlag lang bilang kabahin sang immigration crackdown sa diin suno sa iya, kinahanglan ini agud maprotektahan ang pungsod batuk sa “foreign terrorists” kag iban nga security threats.
Suno kay LA28 CEO Reynold Hoover, ang importante amo nga ginakilala sang federal government kag sang administrasyon ang importansya sang Olympics.
Ang mga pungsod nga apektado sang travel ban amo ang Afghanistan, Myanmar, Chad, Congo Republic, Equatorial Guinea, Eritrea, Haiti, Iran, Libya, Somalia, Sudan kag Yemen.
Samtang partially restricted naman pagsulod sang mga tawo nagikan sa pito ka mga pungsod nga amo ang Burundi, Cuba, Laos, Sierra Leone, Togo, Turkmenistan kag Venezuela.
