MANILA, Philippines – Nagpangayo sang P500 milyon nga danyos si Palace press officer nga si Claire Castro batok kay Leandro Leviste bangod sa gin-alegar nga paguba sang iya integridad.
Ang demand naghalin matapos ang social media post ni Leviste kun sa diin ginpahayag niya nga wala siya obligasyon magbayad sang “sleepless nights kag anxiety” nga gin-angkon ni Castro, apang handa siya magbulig sa iya medical expenses kun kinahanglanon.
Sang Enero sini nga tuig, nagpasaka si Leviste sang civil libel complaint batok kay Castro, nga gin-akusaran niya sang paglapta sang indi matuod nga impormasyon nahanungod sa iya negosyo.
Ginalauman sang kongresista ang P100 milyon nga moral damages, P10 milyon nga exemplary damages, kag P1 milyon para sa attorney’s fees bangod sa gin-alegar nga pagpanira batok sa iya.
Ginpanginwala naman ni Leviste ang alegasyon nga may iregularidad sa iya power company, kag ginpahayag nga ang pagka-delay sang ila proyekto bangod ini sa kakulangan sang permits.
