Gintawag ni Presidential Communications Office (PCO) Undersecretary Claire Castro nga “obstructionists” ang mga grupo nga nagapilit sang koneksyon kay Presidente Ferdinand Marcos Jr. sa mga reklamo nga ginpasaka batok kay Vice President Sara Dute rte.
Suno kay Castro, klaro nga ang tuyo sang sini amo ang pagpalayo sang atensyon gikan sa alegasyon sang korapsyon batok sa bise presidente.
Ginsiling man ni Castro nga indi kaalyado sang Presidente ang mga nagreklamo kundi mga kritiko, gani wala sang basehan ang alegasyon nga ginatudlo sa Presidente sa pagpasaka sang plunder kag graft charges batok kay Vice President Duterte.(TOPACIO)
Samtang, ginpabutyag man ni Partido ng Demokratiko Pilipino Lakas ng Bayan (PDP-Laban) deputy spokesperson Atty. Ferdinand Topacio nga basì may kaangtanan ang administrasyon ni Marcos sa reklamo kag ginpahayag nga may ginahimo nga kamala-malahan ang Kamara sa budget.
Ginpahibalo man niya ang publiko batok sa ginpahayag nga pangamuyo nga mapugngan ang posible nga pagpadalagan ni VP Duterte sa pagka-presidente.
Nahibaluan nga ang Partido ng Demokratiko Pilipino Lakas ng Bayan (PDP-Laban) ginapangunahan sang anay Presidente Rodrigo Duterte, amay sang bise-presidente. Apang, ginpahayag nga indi miyembro sang PDP si Vice President Sara Duterte.
