Gindismiss sang Provincial Prosecutor’s Office ang kaso nga Usurpation of Official Functions sa idalom sang Article 177 sang Revised Penal Code, batok kay President Roxas Mayor Receliste Escolin, nga ginpasaka sang anay Vice Mayor sang banwa.
Sa interview sang Bombo Radyo, kay Mayor Escolin, iya ginpahayag nga lack of evidence ang basehan sang Provincial Prosecutor’s Office sa pag-dismiss sang kaso batok sa iya.
Suno sa iya, kumpyansa siya halin pa sa pagsugod nga posible nga ma-dismiss ang kaso bangud para sa iya, premature ang pagpasaka sini, ilabi na nga madugay na siya nga nagaserbisyo sa banwa kag hands-on ang iya kampo sa pag-atubang sang kaso.
Ginklaro man sini nga indi pa ini dapat lantawon bilang katapusan nga desisyon bangud wala pa sang final execution sa nasambit nga resolution.
Samtang, gin-ako sang alkalde nga posible gihapon nga i-question ukon i-appeal sang pihak nga Partido nga nagpasaka sang kaso ang desisyon sang Provincial Prosecutor’s Office.
Matandaan nga gin pasakaan sang kaso nga Usurpation of Official Functions sa Comelec nga ginakwestyon ang iya pagpungko bilang mayor sa banwa sang President Roxas.
Dugang pa sang natungdan, bisan pa diin mag-abot ang proseso, handa ang iya kampo nga atubangon ini kag ipresentar ang ila depensa.
