Ginpasaka sang Office of the Ombudsman ang una nga batch sang kaso kriminal batok kay Rep. James Ang Jr sang USWAG Ilonggo Partylist sa Sandiganbayan.
Ang mga kaso naghalin sa gina-alegar nga paglapas sa Section 3(h) sang Republic Act No. 3019, ukon ang Anti-Graft and Corrupt Practices Act, nga nagadumili sa mga opisyal sang gobyerno nga may interes sa mga kontrata ukon transaksyon sang gobyerno.
Base sa docket number OMB-C-C-JUN-26-0079, ini ang pormal nga gin-file sa Sandiganbayan bilang kabahin sang kampanya kontra korapsyon.
Ini ang labing una nga tion nga nakapangatubang sang panumbungon kriminal si Rep. Ang humalin sang napilian bilang tiglawas sang USWAG Ilonggo Partylist.
Bisan pa nga nauna na nga ginhingadlan si Ang sa mga nauna nga exposes, wala gilayon ginpasaka ang mga reklamo batok sa iya.
Nakabaton sang impormasyon ang Bombo Radyo nga nakapiyansa na ang mamalidha.
