Nagdangat na sa ₱16-T ang kabug-usan nga utang sang gobyerno sang Pilipinas sadtong katapusan ang Nobyembre 2024 bangud sa ginapahayag nga pagnubo sang balor kontra dolyar.
Sa datos nga nagikan sa Bureau of the Treasury (BTr), nagdangat sa ₱16.09-T ang utang gobyerno, mas mataas sang 0.4% ukon ₱70.60-B nagikan sadtong Oktubre 2024.
Suno sa Treasury, ang pagtaas mahimo nga iangut sa net financing kag pagnubo sang balor sang piso nga nagapataas sang balor sang US dollar-denominated debt.
Mahibaluan nga ini ang naghina matapos nagdangat sa ₱58.60 ang balor sang piso kontra dolyar sadtong Nobyembre 2024 kung ikumparar sa ₱58.2 sadtong Oktubre 2024.
Sa pagtakop sang Nobyembre 2024, ang domestic debt naglab-ot sa ₱10.92-T, mas mataas sang 0.3% o ₱31.82-B kung ikumparar sa katapusan sang Oktubre 2024.
Ang nasambit nga pagtaas bangud sa ₱30.67-B nga net issuance sang domestic securities kag ang ₱1.15-B nga epekto sang pagnubo sang balor sang piso sa US dollar-denominated domestic debt.
Samtang, ang foreign debt naman sang Pilipinas nagtaas sang 0.8 % o ₱5.17-T sumugod sa katapusan sang Oktubre 2024.
Bangud sini, yara na sa ₱12.89 trillion ang utang sang Pilipinas sumugod nagpungko sa puwesto si Pangulong Bongbong Marcos sadtong Hulyo 2022.
