Ginalauman nga magalab-ot ang kabug-usan nga utang sang Pilipinas sa P21.48 trillion sa katapusan sang 2027, base sa mga dokumento sang Budget kag Expenditures and Sources of Financing.
Mas mataas ini sang sa ginabanta nga lebel sang utang nga P19.76 trillion para sa 2026.
Kaupod sang mahinay nga pag-uswag sang ekonomiya nga 2.3% sa una nga katunga sang 2026, ang debt-to-GDP ratio sang pungsod nagsaka sa 66% sang gross domestic product ukon GDP.
Ini ang pinakamataas nga lebel sa sulod sang 22 ka tuig ukon halin sang naglab-ot sa 71.6% sang 2004.
Samtang, ginabulubanta nga magalab-ot sa P3.304 trillion ang kabug-usan nga utang sang national government sa masunod nga tuig.
Sa sini nga kantidad, P2.389 trillion ang kuhaon sa domestic sources kag P914.982 billion sa foreign sources.
Ang domestic borrowing plan nagalakip sang P2.329 trillion halin sa fixed-rate Treasury bonds kag P60 billion halin sa Treasury bills.
