Utang sang Pilipinas, naglab-ot na sa record nga P18.49 trillion sang Marso

Naglab-ot ang kabug-usan nga utang sang Pilipinas sa bag-o nga rekord nga P18.49 trillion sang Marso bangud sa nagaluya nga piso kag dugang nga lokal nga pagpangutang.

Suno sa Bureau of the Treasury, nagtaas sang 1.8% ukon P328.43 billion ang national debt humalin sang Pebrero, nga mayor nga naapektuhan sang pagnubo sang balor sang piso batuk sa dolyar nga nagtaas sang balor sang foreign-denominated loans.

Ang domestic debt nagtaas sa P12.53 trillion bangod sang padayon nga pag-isyu sang government securities, samtang ang external debt nagtimbuok sa ₱5.95 trillion pagkatapos nga nagtaas ang balor sini bangod sang currency depreciation bisan pa nga ang gobyerno may gamay nga kantidad sang utang nga ginbayad.