Naglab-ot ang kabug-usan nga utang sang gobyerno sang Pilipinas sa bag-o nga record high nga P19.66 trilyon sang ulihi nga bahin sang Septyembre 2026, suno sa data sang Bureau of the Treasury (BTr).
Base sa report sang bureau, nagtaas sang 0.27% ukon P53.47 billion ang utang sang pungsod kon ipaanggid sa P19.61 trillion nga na-record sang Agosto.
Ang domestic debt nagabug-os sang 67.39 % sang kabug-usan nga utang nga nagalab-ot sa P13.25 trilyon, samtang ang external debt nagalab-ot sa P6.41 trilyon ukon 32.61 porsyento.
Nahibaluan nga ang gamay nga pagtaas sang domestic debt gintuga labi na sang net issuance sang government securities kag pagluya sang peso batok sa US dollar nga nag-apekto sa Onshore Dollar Bonds.
Samtang, nagtaas man sang 0.70% ang external debt bangud sa pagluya sang lokal nga kwarta kag dugang nga net availment sang loans halin sa guwa sang pungsod.
Nagnubo naman sa P306.63 billion ang national government guaranteed obligations sang Setyembre bangud sa mga ginahimo sang net repayments sa mga external guarantees.
