Nakabalhag sang record-high nga P18.16 trillion ang kabug-usan nga utang sang pungsod sang Pebrero 2026 suno sa Bureau of the Treasury.
Nagtaas ini sang P25 billion ukon 0.14% gikan sa P18.13 trillion sang Enero, dala sang dugang nga domestic borrowing.
Ang domestic debt naglab-ot sa P12.48 trillion, katumbas sa 68.7% sang kabug-usan nga utang, matapos magpaguwa sang bag-o nga mga securities para sa mga proyekto sang gobyerno.
Samtang, nagnubo naman sang P128.65 billion ang foreign debt tubtob P5.68 trillion bangud sang favorable exchange rates nga nagpanubo sang gasto sa dollar-denominated loans.
Apisar pa nga may mga bag-o nga foreign loans nga P7.78 billion, na-offset ini sang currency gains.
Suno sa Treasury, ang debt profile sang pungsod nagapabilin nga stable kag well-managed.
Sa pihak sang nagadaku nga utang, ginpanindugan sang gobyerno nga padayon nga may pagsalig ang mga investors sa credit standing sang Pilipinas.
