-- ADVERTISEMENT --
Nagtaliwan na si Benjamin Duterte, manghod ni Former Presidente Rodrigo Duterte.
Ini ang ginkumpirmar ni Vice President Sara Duterte sa isa ka social media post sang Sabado, sa diin nagpasalamat ini sa mga nagpalab-ot sang pagpakig-unong kag pangamuyo sa ila pamilya.
Suno kay Sara, dako ang papel sang iya tiyo nga kilala man nga “Tiyo Bong” sang nagligad nga mga tinuig, partikular sa pagpreparar kag operasyon sang kampanya para sa 2025 national kag local elections.
Dugang pa ni VP Sara, naghingyo ang pamilya sang iya tiyo nga mangin pribado ang iya haya kag lubong.
Samtang, wala pa sang ginpagwa nga detalye ang pamilya angut sa gintunaan sang kamatayon.
-- ADVERTISEMENT --
