Utod ni Kim Chiu nga si Lakam Chiu, gin-aresto na may kangtanan sa 124 ka kaso sang qualified theft

Gin-aresto na ang utod ni Kim Chiu nga si lakam Chiu may kaangtanan sa 124 ka kaso sang qualified theft.

Ginpatigayon ang pag-aresto sa Mandaluyong City base sa warrant sang Quezon City Regional Trial Court Branch 84.

Ang kaso nagalakip sang ginaalegar separado nga pag-withdraw kag online transfers gikan sa corporate accounts, nga nagalab-ot sang masobra ₱44.3 million.

Ginpanginwala ni Lakam ang mga alegasyon kag ginpahayag nga may kasugtanan sila ni Kim angut sa paggamit sang kwarta para sa ila iban pa nga negosyo.

Ginrekomendar namn sang korte ang piyansa nga P5.838 million, samtang ang kaso magapadayon sa hearing.