Pormal na nga ginpasakaan sang 124 counts sang qualified theft ang utod ni Kim Chiu nga si Lakam Chiu bangud sa ginaalegar misuse nga P44.4 million nga pondo gikan sa ila fashion company.
Base sa Quezon City Office of the City Prosecutor, may nagakaigo nga basihan ang reklamo base sa mga pahayag, bank records kag iban pa nga ebidensya.
Ginaalegar nga nakahimo si Lakam sang 124 ka unauthorized withdrawal kag online transfer halin 2022 tubtob 2025.
Suno sa alegasyon, ang kwarta gin-gamit sa casino-related activities, personal nga utang kag iban pa nga negosyo nga wala kaangtanan sa kumpanya.
Ginpanginwala naman ni Lakam ang mga alegasyon kag ginpahayag nga awtorisado ang mga transaksyon, samtang ginbasura ang reklamo batok sa accountant ni Kim bangud sa kakulang sang ebidensya.
