Ikaw ka-bombo, masami ka man bala nga naga-utot apang perte ini kabaho? basi amo na ini ang pamaagi agud nga ang imo utot indi mabaho.
Didto sa Gesvres, France, isa ka imbentor ang naghimo sang isa ka pinasahi nga kapsula nga gindesinyo agod maghumot ang mga utot.
Ginhimo sang imbentor nga si Christian Poincheval ang ginatawag nga “fart pill” matapos ginpahayag nga nahuy-an siya sa isa ka party ukon dinner sang nag-utot ini.
Ini human sa natural nga mga pamaagi, kag may yara sang nagkalainlain nga mga baho pareho sang rosas, tsokolate, kag luya.
Ang capsule ginasiling man nga makapanubo sang bloating kag gas sa tiyan, kag pwede na subong nga mabakal online, lakip ang isa ka bersyon para sa mga ido.
Apang, ang mga eksperto nagapaandam nga ang mga epekto sang kapsula nagadepende gihapon sa pagkaon kag kahimtangan sang ikaayong lawas sang isa ka tawo.
Posible man nga ang mga resulta magalainlain sa tagsa ka user.
