PRESIDENT ROXAS – Madugay na nga hinuptanan ni President Roxas Mayor Receliste Escolin ang uwak nga nagtaban sang kwarta nga pang-cash gift kantani sini.
Sa interview sang Bombo Radyo kay Mayor Escolin, iya ginpahayag nga sang Disyembre 30 sang tinalikdan nga tuig 2025, nagpatigayon ini sang pag-release sang sweldo kag cash gift sang iya sini mga tinawo, apang hinali na lang nga naglupad ang amo nga uwak palapit sa alkalde kag gindagit ang kwarta nga yara sa lamesa.
Suno kay Escolin, ginabanta sa P3,000 ang balor sang kwarta nga gintaban sang amo nga pispis kag gindala sa atop sang isa ka balay.
Pahayag pa niya, mahilig sa mga ga-kinang nga butang ang iya nga hinuptanan amo man sa mga bata rason nga naga-enjoy man ini sang paghulog sang kwarta gikan sa atop nga ginasalo man sang mga kabataan.
Nahibaluan nga kilala na ang amo nga uwak nga nagalagaw sa pihak nga barangay.
Narecover man ang kwarta apang indi na ang bilog nga kantidad.
Dugang pa sang natungdan, daku ang nabulig sang iya sini hinuptanan nga uwak bangud nagakuha ang iya nga kakapoy bangud sa kalingaw nga dala sini.
