ROXAS CITY – Na-delay ang pipila ka customer sang isa ka dako nga mall sa may bahin sang San Roque Extension, Brgy. VIII, sini nga syudad matapos nga wala ang mga ini sang dala nga valid ID.
Sa pagpadulong sang Bombo Patrol team sa amu nga mall subong nga aga, kadam-an sa mga magasulod nga customer ang wala sang valid ID kundi vaccination card ukon vaxcertph gid lamang.
Suno sa isa ka wala na ginhingadlan nga ginang, nga nakahibalo ini nga required na ang vaccination card sa pagsulod sa mga establishments apang wala ini makahibalo nga magdala sang valid ID.
Bangud ini man ang concern sang mga nagapila nga customer, kag nagahinyo nga makasulod, ginkasugtan sang mga security guards nga pasudlon nalang ang mga ini, pinaagi sa pagpakita sang ila Facebook account nga makit-an ang ila pangalan kag nawong nga kapareho sa ila datos sa vaccination card.
Nahibaluan nga wala sang litrato ang vaccination card nga gin-isyu sang Department of Health, samtang wala man sang scanner ang mga establisyimento sa syudad pag-abot sa vaxcertph, posible ang rason sa pag-require sang valid ID para sa kompirmasyon.
