-- ADVERTISEMENT --
ROXAS CITY – Nahulog sa uyapad ang isa ka delivery van matapos sang wala untat nga pag-ulan sa Brgy. Dayhagon banwa sang Sigma.
Ginkilala ang driver sang cargo logistic van kay Ryan De Pamaylo, 23- anyos kag residente sang Quintin Salas, Jaro, Iloilo.
Ginpahayag nga nagikan sa Roxas City ang nasambit nga salakayan sakay ang duha ka mga pahinante kag pabalik na kuntani ini sa syudad sang Iloilo apang pag-abot sa lugar sang insidente, nadulaan ini sang kontrol sa manubela kag dumeritso sa uyapad.
Masuwerte man nga wala sang may napilisan sa natabo nga insidente.
