Dalan nga madanlog gina tudlo nga rason sang pag bungguanay sang duha ka tricycle sa Brgy. Agbalo, Panay Capiz.
Ang mga biktima amo si alyas Jonathan, residente sang Tabuc Pontavedra ang naka bungguan amo sanday alyas Ian residente sang Brgy. Dayao kag back rider niya nga si alyas Raymundo residente sang Tuburan Maayon.
Sa interview sang Bombo Radyo kay Police Capt. Eric Deocampo, hepe sang Panay Municipal Police Station, iya ginpahayag nga padulong kun tani ang biktima sa Agbalo, Pontavedra samtang ang duha naman ka naka bungguan niya pakadto sa Roxas City.
Suno kay Deocampo, ang madanlog nga dalan kag dungan pa sang ulan ang nakita nga rason sa natabo nga insidente sang pag bungguanay sang duha ka tricycle.
Gilayon naman gin dala ang mga biktima sa ospital para sa nagakaigo nga pagbuilong .
Nagpanugyan man ang kapulisan sa mga motorista nga maghalong sa pagmaneho agud malikawan ang mga aksidente sa dalan, samtang nagahimo sang pamaagi sang pag-patrolya para sa awareness sang mga motorista.
