Padayon nga ginapadalman sang Roxas Component City Police Station ang imbestigasyon may kaangtanan sa natabo nga vehicular accident sa tunga sang police patrol car kag isa ka tricycle sa Barangay Sibaguan, Roxas City.
Sa interview sang Bombo Radyo kay Police Lieutenant Colonel Rogelio Tomagtang Jr., officer in-charge sang Roxas Component City Police Station, iya ginpahayag nga samtang ginasubay sang patrol car hinali nalang ini nabungguan sang tricycle sa kurbadahon nga bahin sang nasambit nga lugar nga nagresulta sang pilas sa lawas sang mga sakay sang tricycle.
Suno kay Tomagtang, yara sa patrol operation ang mga pulis sang natabo ang insidente.
Dugang pa sang natungdan nga halin sa isa ka event ang mga mga sakay sang tricycle kag ginahibalo pa sang mga otoridad kun yara sa impluwensya sang makahulubog nga ilimnon ang driver.
