ROXAS CITY – Natalana nga pasakaan sang panumbungon nga paglapas sa RA 9165 ukon Comprehensive Dangerous Drugs Act of 2002 ang isa ka manugbaligya sang isda matapos nadakpan sa ginkasa nga drug buybust operation sang mga katapo sang Philippine Drug Enforcement Agency (PDEA) kag President Roxas Municipal Police Station sa Barangay Poblacion Swa, President Roxas, Capiz.
Ginkilala ang nadakpan nga si Jennelyn Borlado, 29 anyos, isa ka drug surrenderee sang nasambit nga banwa.
Narekober sa posesyon sang drug suspek ang lima tanan ka sachets sang suspected shabu, isa ka cellphone, kag P500.
Ang narekober nga shabu ang ginabulubanta nagabug-at sang kapin 0.05 grams nga may market value nga kapin P12, 500.
Sa karon, nakahunong na ini sa karsel sang Pres. Roxas PNP ang nasambitan nga drug suspect.
