ROXAS CITY – Nagapakitluoy ang mga apektado nga manugbaligya sang panginhason sa Barangay Punta Cogon, sini nga syudad.
Ini matapos ang mandu sang City kag provincial government nga ginadumilian ang pag-harvest, pagkaon kag pagbaligya sang tanan nga sahi sang shellfish sa syudad sang Roxas bangud sa pagkapositibo sa red tide sang kadagatan.
Sa pagpadulong sang Bombo Radyo sa lugar, ginsiling ni Jessica Dela Cruz, nga kuntani maluoy na ang alkalde sa ila sitwasyon bangud halos isa na ka semana nga wala sila sang palangitan-an.
Wala man suno diri sila sang iban nga makuhaan sang income.
Suno pa diri nga bisan sa Tulong Panghanapbuhay sa Ating Disadvantaged/Displaced (TUPAD) nga programa sang DOLE ang wala man ini madala.
Wala man ini nagapangisog nga magbaligya bangud suno diri may ginpadala nga kapulisan sa ila lugar agud pangdakpon ang magpakitg-a sa pagsulondan.
Sa karon, nagahinyo ang kaangay sa iya nga apektado sang nasambit nga phenomenon nga mapadasig ang pagulig sa ila agud mapahagan-hagan ang ila kabudlay nga naeksperyensiyahan.
