ROXAS CITY – Isa naman ka vendor nga nagabaligya sang saging sa Burgos Talipapa ang nabiktima sang peke nga kuwarta.
Indi halos makapati ang anak sang isa ka vendor nga mabiktima ang iya iloy sang manughingalit nga mga persona nga posible yara sa likod sang nagalapta nga peke nga kuwarta.
Ba-se sa panaysayon sang wala nagpakilala nga ginang nga may isa ka babaye nga nagbalik sang duha ka P500 bill sa iya iloy nga nagabaligya sang saging nga gin-alegar sini peke.
Suno sa tagreklamo nga wala na makatanda pa ang iloy sa nawong sang babaye, bangud masaku ini.
Nagduda lamang ini nga peke ang ginbalik nga kwarta bangud kasubong na lamang ini sa papel kun makumos.
Naglain ang buot sang vendor bangud sa ila nga pagtimakas kuntani para may mabakal sang bugas, natuntuhan pa sang pila ka manughingalit nga persona.
