Vendors nga nabiktima sang kawatan sa Ivisan Public Market, nagalaum sa aksyon sang ila LGU

ROXAS CITY – Nagalaum ang mga vendors sang Ivisan Public Market nga maaksyunan sang ila Local Government Unit (LGU) ang nagkahinabo nga pagkinawatay sang pila ka mga balaligyaan sa ila merkado.

Sa pagpadulong sang Bombo patrol sa lugar, ginpahayag ni ‘Analiza’ nga nakig-angut naman ang mga ini sa ila munisipyo kag ginpromisa nga pagahamtangan sang bantay sa gab-i, kag pagabutangan sang dugang nga suga sa merkado publiko.

Naintindihan man sang mga ini nga may yara sang proseso nga pagasundon sa pagpanabat sa mga kawatan sa ila lugar, bangud matandaan nga mga menor de edad ang ginatudlo suspek sa nasambit nga insidente.