Una na nga ginpahamtang ang mga fish vendors sa tagsa nila ka mga pwesto sa Teodoro Arcenas Trade Center (TATC) nagikan sa Burgos Talipapa, sining syudad.
Sa interview sang Bombo Radyo kay alyas “Mike”, vendor sang Burgos Talipapa, ginpahayag sini nga kaina sang aga, una na nga ginpahamtang ang mga fish vendors sa TATC kag magapadayon ini tubtob subong nga hapon nga kun sa diin igapahamtang naman ang mga vendors sang utan.
Dugang pa sini, matapos ang sunog-sunod nga pagpahamtang sang mga ini sa tagsa nila ka pwesto sa TATC, dira naman ang tion nga magasugod na ini sila magbaligya sa lugar.
Apang, suno kay Mike nagaagam-agam pa ang pila ka mga vendors bangud ang ila mga suki basi indi matultulan ang ila bag-o nga pwesto sa TATC.
Nahibaluan nga sang nagliligad nga mga binulan, indi nangin maayo ang sitwasyon sang mga vendors nga nagabaligya sa Burgos Street bangud sang pag-inulan.
Naghinyo ang mga ini nga kuntani maplastar sila sa maayo kag komportable nga baligyaan rason nga ginpangitaan sang paagi sang Lokal Government Unit agud mangin maayo ang ila sitwasyon.
