Hugot nga ginahinyo sang mga vendors sang Barangay Banica nga kun tani mangin patas kag magsunod sa pagsulundan sang amo nga barangay.
Sa pagpakig-angut sang Bombo Radyo sa isa ka manugbaligya sang isda sa talipapa sang Barangay Banica, ginpahayag sini nga nagatumal ang ila baligyaanay bangud sa mga pangayaw nga vendors nga nagapwesto sa guha ukon sa kiliran sang karsada.
Matandaan nga ginpahayag sang Punong Barangay sang amo nga lugar nga mas nagadamo na ang mga street vendors nga mga pangayaw nga nagapadulong sa ila lugar.
Mahibaluan nga kadam-an sa mga pangayaw nga mga street vendors ang nagikan sa Barangay Culajao sining syudad.
Wala man suno sang problema kun magsunod lamang sila sa pagsulundan kag indi na mangin maisog kun sitahon sang mga opisyales sang nasambit nga barangay bangud suno kay Nanay Inday naintindihan sini ang ila nga sitwasyon kag ginakabig man sila bilang abyan.
