ROXAS CITY – Temporaryo nga magasaylo sa guha sang merkado sang Teodoro Arcenas Trade Center (TATC) ang mga vendors sa vegetables section sa Lunes nga adlaw.
Ini ang suno kay Virgelio Lopez, vegetable vendor sang mainterview sang Bombo Radyo.
Suno diri, pagakay-uhon ukon i-renovate ang ila puwesto sa sulod sang merkado agud mangin organisado ang ila pagbaligya.
Nagkasugot man suno diri ang mga vendors sa vegetable area bangud para man ini sa ila kaayuhan nga negosyante amu man sa manugbakal.
Apang, ginakabalaka sini nga kun sa guha sila ipahamtang, dako ang posibilidad nga kawatan ang ila mga puwesto gani galastusan naman ini nila sang daku agud mapag-on ang temporaryo nga estante bangud ginsiling sa ila nga 3-4 pa ka bulan antes matapos ang renobasyon.
