Magapangatubang sang kaso may kaangtanan sa iligal nga droga ang Venezuelan President nga si Nicolas Maduro matapos ini siya nga dakpon kaupod sa iya sini nga asawa sang mga military sang Estados Unidos.
Sa interview sang Bombo Radyo kay Bombo International Correspondent Marissa Pascual, iya ginpahayag nga ang pungsod Venezuela ang ginakabig bigtime nga supplier sang iligal nga droga sang Estados Unidos kun sa diin madamo sang mga nagakalamatay nga mga kabataan bangud sa paggamit sini.
Suno kay Pascual, gindakop ang nasambit nga presidente nga yara na sa bahin sang New York nga magapangatubang sang kaso kaangay sang Narco-Terrorism Conspiracy, Cocaine Importation Conspiracy, Possession of Machineguns and Destructive Devices, and Conspiracy to Possess Machineguns and Destructive Devices against the United States.
Pahayag pa niya, madamu sang mga pungsod ang naga-alma sa pagdakup sa nasambit nga presidente kaangay sang Russia nga allie sini kag posible nga maghimo sang tikang agud nga pamatukan ang ginaalegar indi makatawo nga pag-aresto.
Sa subong, padayon ang pagdiskusyon sa posible temporaryo nga pagpamuno ni US President Donald Trump sa pungsod Venezuela samtang wala pa ang desisyon sang kaso.
Dugang pa sang natungdan, handa ang bug-os nga pwersa sang Estados Unidos sa tion nga may yara sang may magpamalabag sa ginahimo nila nga tikang agud limpyuhon ang iligal nga druga sa pungsod Venezuela.
