Hugot nga ginpanginwala sang Veteran Actor nga si Eddie Gutierrez ang mga huringhuring nga nagalapta nahanungod sa iya gina-alegar nga pagtaliwan.
Sa isa ka video nga ginpost sang iya anak nga si Ruffa Gutierrez, makit-an ang “pre-birthday message” ni Eddie, sa diin makita nga buhi ini kag yara sa maayo nga kahimtangan.
Ginpasalamatan man sini ang iya asawa nga si Annabelle Rama, kag ang ila mga kabataan sa ila pag-ulikid kag pagpalangga nga nagahatag sa iya sang dugang nga kusog.
Daku man ang pagpasalamat sang aktor sa tanan nga nagpangamuyo para sa iya madasig nga pag-ayo sa iya nga balatian.
Nahibaluan nga sang nagligad nga Enero 14, gin-anunsyo ni Ruffa nga nangin madinalag-on ang ikaduha nga operasyon sang iya amay sa spine sa Mount Elizabeth Hospital, sa Singapore.
