Malipayon nga ginpakigbahin sang veteran aktres nga si Lorna Tolentino ang balita sang iya status bilang isa ka Philippine Navy Reservist.
Nagpost ini sang mga litrato sa iya social media account kon sa diin makita siya nga nagasuksok sang uniporme sang Philippine Navy.
Ang mga litrato nagakuha sang iya graduation ceremony nga ginhiwat sang Agosto 7 sa syudad sang Taguig.
Upod sini ang iya bata nga si Rap Fernandez kag iban pa nga mga pinalangga.
Lakip sa mga hangkat nga iya gin-atubang amo ang paghanas sa Cavite, kon sa diin naka-eksperyensya ini sang pagpalanakit sang lawas bangud sa pagsakay sa sakayan.
Madamo naman ang nagdayaw sa iya labi na ang iya mga kaupod sa show business kag suod nga mga abyan.
Pila man sa mga showbiz personalities nga Philippine Navy Reservists amo sanday Christopher De Leon, Dingdong Dantes, Rocco Nacino, Winwyn Marquez, Carlos Yulo, kag iban pa.
