inpakigbahin sang Veterans Federation of the Philippines-Capiz Chapter nga ang pagdumdum sang ika-54 nga anibersaryo sang deklarasyon sang Martial Law isa ka importante nga tion para sa pagpamalandong sa kasaysayan sang pungsod.
Sa interview sang Bombo Radyo kay Mr. Eduardo Betito Sr., President sang Veterans Federation of the Philippines-Capiz Chapter, iya ginpahayag nga may daku nga bahin ang Martial Law sa iya kabuhi bangud nangin kabahin siya sang military antes pa man gin-deklara ang Martial Law.
Suno kay Betito, madamo sang mga pagbag-o ang natabo sa sulod sang military kag sa pungsod sa tion sang Martial Law, gani importante nga mapabilin ang leksyon sini sa publiko.
Pahayag pa niya, kinahanglan nga mahibaluan sang mga bag-o nga henerasyon ang mga natabo sa amo nga panahon agud mas mahangpan nila ang kasaysayan nga mahimo makuha halin diri.
Nagalaum man ang natungdan nga ang pagdumdum sang anibersaryo sang Martial Law indi lamang mangin pagbalik-tanaw sa nagligad, kundi mangin oportunidad man para sa mas maayo nga paghangop sang kasaysayan sang Pilipinas.
