Vic Sotto, ginkasuhan si Darryl Yap sang 19 counts of cyber libel case

Nag-file sang 19 counts sang cyber libel case ang TV host-actor nga si Vic Sotto batuk sa film director nga si Darryl Yap.

Kasunod ini sa kontrobersyal nga teaser sang pelikula nga himo ni Yap nga “The Rapists of Pepsi Paloma” kun sa diin ginsambit ang pangalan sang actor nga siya suno diri ang naghimulos sa nagtaliwan nga sexy actress.

Gin-file sang actor ang kaso sa Muntinlupa City Regional Trial Court kahapon nga adlaw, Enero 9, 2025.

Pahayag sang actor, ginkakibot niya ang pagkaulamid sang iya pangalan.

Dugang pa sini nga sang nagligad nga tuig, nakahibalo na ini nga ipaguwa ang amu nga pelikula.

Ginsiling man sini nga ginabatuan niya ang mga iresponsable nga mga tawo pag-abot sa social media.