Mabaskog nga ginpanginwala ni Vice Ganda ang mga alegasyon nga nagalapta online nga nagbakal siya sang ginabanta 50 ka tickets para sa palaabuton nga concert sang Korean boy band nga BTS sa Pilipinas.
Ginsabat ni Vice ang ginaalegar “mass ticket purchases” nga post sang isa ka netizen.
Suno sa iya, wala sang kamatuoran ang pagpalapta sang impormasyon bangud wala ini sang rason nga magkuha sang 50 ka tickets bangud isa man lang ang iya lawas.
Pahayag sang host-comedian, Masako siya sa iya trabaho kag wala man ini sang ihibalo sa schedule para sa mga petsa sang concert.
Suhesyon sini sa publiko, i-verify ang mga impormasyon online, ilabi na sa tunga sang madasig nga paglapta sang mga fake news kag mga isyu nga may kaangtanan sa mga kilala nga personalidad.
