ROXAS CITY – Indi makapiho ang bise gobernador sang probinsiya sang Capiz kun makaupod ini sa Davao City sa diin patigayunon ang Strategic Planning seminar kag Executive Legislative Agenda (ELA) sa Oktubre 17-19, 2019.
Sa exclusive interview sang Bombo Radyo kay Vice Governor James ‘’Mitang’’ Magbanua, ginkumpirma sini nga kahapon lamang nabaton ang komunikasyon angut sa nasambit nga aktibidad.
Apang may nauna na ini nga commitment sa diin kinahanglan man ang iya presensiya bilang national president sang isa ka grupo.
Suno pa kay Magbanua nga wala opisyal nga napungkuan kag na-estoryahan ang natuhoy sa pagpadulong sa Davao para didto patigayunon ang ELA, nga sa iya pagpati, kinahanglan antes ginhimo ang plano ginkunsulta kuntani ang natungdan nga mga indibidwal.
Nagapati si Magbanua sa kasubong sini nga aktibidad importante ang oras kag preparasyon para mahitsu man ang ila schedule.
Samtang nagapanindugan naman ang opisyal nga masiguro pa ang syen porsyento nga attendance sang mga board mebers kun patigayunon ang aktibidad diri sa probinsiya sang Capiz ukon sa mga lugar nga sakup sang Region 6.
