ROXAS CITY – Wala nakabaton sang imbitasyon ang opisina ni Vice Mayor Christoper Andaya sang banwa sang Sigma, para sa ginhiwat nga State of the Municipality Address (SOMA) ni Sigma Municipal Mayor Dante Rizal A. Eslabon.
Sa interview sang Bombo Radyo kay Vice Mayor Andaya, ginpahayag sini nga ginpakamaayo na lamang niya nga indi matambong sa amu nga programa bangud daw kaangay nga makahuluya nga magpadulong sa isa ka pagtililipon nga wala sang imbitasyon.
Suno kay Andaya, ginarespeto sini niya kun anu man ang ila nga nangin desisyon kag ginklaro nga wala naglain ang iya buot bangud sa sini nga butang.
Matandaan nga kadungan sa pagdumdum sang ika-126th Independence Day, nag-deliver ang alkalde sang banwa sang Sigma sang iya ika duha nga SOMA.
Ini nga programa ang gintambungan sang LTO Dumalag District Office,LGU Officials, pamunuan sang National Government Offices, Non Government Organizations kag iban pa.
