Ginpanindugan ni Senator-Judge Raffy Tulfo nga dapat kuntani nag-divest si Vice President Sara Duterte sa iya business interests sang napilian ini bilang bise presidente.
Suno kay Tulfo, mismo si Duterte ang nag-ako sa sworn document nga sila sang iya asawa nga si Atty. Manases Carpio ang nagapanag-iya sang kompanya.
Ginpahayag pa ni Tulfo nga kun indi magdeklarar si Duterte sang iya pagpanag-iya sang kumpaniya, mahimo ini nga magsulod sa non-declaration, apang kon magdeklarar ini, mahimo ini nga magsulod sa Section 13 sang Article VII sang 1987 Constitution nga nagadumili sa bise presidente sa directly ukon indirectly participate sa anuman nga negosyo samtang yara sa pwesto.
Dugang pa ni Tulfo, makatilingala kon ngaa wala sang may naghambal kanday Duterte kag Carpio nga kinahanglan nila nga i-divest ang ila business interests, ilabi na nga lunsay sila mga abogado.
