Ginpanginwala naman ni Vice President Sara Duterte nga may intensyon siya nga pabagsakon ang administrasyon ni President Ferdinand Marcos Jr kag nagpanindugan nga wala siya sang intensyon nga agawon ang pagkapresidente.
Suno sa Bise Presidente, ang rason nga yara siya sa kritikal nga administrasyon subong amo nga ipakita sa publiko ang matuod nga estado sang gobyerno.
Sa iya mensahe sa Independence Day, ginpahayag man ni Duterte nga mahimo madula ang soberanya sang pungsod indi lamang bangud sa mga foreign invaders kundi bangud man sa korapsyon sa mga mataas nga opisyal sang gobyerno.
Ginhatagan man niya sang pagtamod ang accountability kag good governance agud mapabilin ang kahilwayan kag pagsalig sang mga pumuluyo sa mga institusyon sang gobyerno.
Nahibaluan nga nagapangatubang si Duterte sa impeachment case may kaangtanan sa mga alegasyon sang paglapas sa Konstitusyon, graft and corruption, betrayal of public trust, bribery, kag iban pa nga seryoso nga mga kaso.
