Vice President Sara Duterte, indi magtambong sa una nga impeachment hearing sang House Committee on Justice subong nga adlaw

Nagdesisyon si Vice President Sara Duterte nga indi na magtambong sa hearing sang House Committee on Justice angut sa iya impeachment subong nga adlaw.

Ini ang ginkumpirmar sang isa niya ka abogado nga si Atty. Michael Poa.

Subong nga adlaw ang una nga hearing sa mga impeachment complaint batok sa Bise Presidente nga una nga napamatud-an nga sufficient in form, substance kag grounds.

Nahibaluan nga sang Marso 16, ginsumite sang kampo ni Duterte ang ila sabat sa mga reklamo sa impeachment matapos napamatud-an nga sufficient in substance ini sang Marso 4.

Ginapabasura naman sang kampo sang Bise Presidente ang mga alegasyon bangud suno sa ila indi ini impeachable offenses.‎