Pormal na nga gin-impeach sang Kamara si Vice President Sara Duterte matapos gin-aprubahan sang majority legislators ang Articles of Impeachment batuk sa iya.
Sa nasambit nga pagboto, 257 ka mga kongresista ang nagboto pabor sa impeachment, 25 ang nagpamatok, samtang 9 ang nag-abstain.
Kasunod sang pag-apruba, gilayon nga ginpadala sa Senate of the Philippines ang impeachment complaint para sa pormal nga hearing.
Suno sa Konstitusyon, ang Senado ang magapungko bilang isa ka impeachment court agud pamatian kag usisaon ang mga reklamo nga ginpasaka batuk sa Bise Presidente.
Lakip sa mga rason sa pag-impeach kay VP Sara amo ang culpable violation of the Constitution, graft and corruption, betrayal of public trust, bribery kag iban pa nga mataas nga krimen.
Sa iya Sponsorship sa Articles of Impeachment, ginpahayag ni Justice Committee chair kag Batangas Rep. Gerville Luistro nga kinahanglan nga ipaathag ni VP Sara ang P6.7 billion nga bank transactions niya kag sang iya bana nga si Atty. Manases Carpio, nga nagdeklara sa ila joint filing sang Statement of Assets, Liabilities and Net Worth (SALN).
Ginhatagan man pagtamod ni Luistro nga ang mga Articles of Impeachment ang base sa ebidensya kag indi lamang sa tsismis.
