Naghimo sang AI-animated video ang isa ka state-controlled media outlet sa China agud ipaguwa nga mga “amo” ang mga Pilipino nga naga-sunod-sunod lang sa ginahambal sang Japan kag sang Estados Unidos sang Amerika.
Isa ka minuto ang video nga gin-repost ni Philippine Coast Guard Spokesperson for the West Philippine Sea Rear Admiral Jay Tarriela.
Pahayag sini, sang gin-himuan ang China sang caricature, tuman ang ila kaakig kag nagpasaka pa sang diplomatic protest bangud “gina-bastos” suno sa ila ang ila nga lider.
Ginhangkat man ni Tarriela ang mga senador nga anay nagsuporta sa China sa isyu sang caricature nga kondenahon man ang amo nga video.
Natabo ang pag-post sang China Daily sang amo nga kontrobersyal nga video pila ka adlaw lang matapos ang ika-10 nga anibersaryo sang he 2016 arbitral ruling nga isa ka landmark legal victory sang Pilipinas batok sa China kaangot sa isyu sa West Philippine Sea.
