Ginpresenta Kay ginpaguwa ang video halin sang Nobyembre 2024, kon sa diin mabatian SI Vice President Sara Duterte nga nagahambal nahanungod sa ginaalegar nga plano nga patyon sanday President Ferdinand Marcos Jr., First Lady Liza Araneta-Marcos, kag anay House Speaker Martin Romualdez.
Ang video ginpakilala sa korte paagi sa testimonya ni NBI Senior Agent John Mark Calilung, nga nag-imbestiga sang pagkamatuod sang online press conference nga original nga gin-post sa Facebook page ni Harry Roque.
Suno kay Calilung, ang bahin nga nagaunod sang kontrobersyal nga pahayag sang Bise Presidente ang makita sa tunga sang 1 hour-15-minutes tubtob 1 hour-17-minutes-18-seconds nga sang video, nga nagalawig sang kapin sa duha ka oras.
Gintugutan sang impeachment court ang pagpresenta sining duha ka minutos kag 18 ka segundo nga bahin sang video agod makilala kag ma-verify sang saksi ang mga kaundan sini bilang kabahin sang pagpresentar sang ebidensya sang prosekusyon.
Ginpahayag ni Senate impeachment court Presiding Officer Francis Escudero nga temporaryo nga ginpahanugutan ang presentasyon sini agud mapadasig ang proceedings kag suportahan ang mga alegasyon nga ginaplastar sang prosekusyon.
