ROXAS CITY – Ginturn-over sa Roxas Component City Police Station ni Punong Barangay Albert Calipayan, Barangay Kapitan sang San Jose, sini nga syudad, ang isa ka unit sang videoke machine, matapos nga ginreklamo sang mga residente ang pagpatukar sa dis-oras sang kagab-ihon.
Ginkilala ang nagpatukar kay Johanny ‘alog’ Mendoza, residente sang Angelville Subdivision, sa nasambit nga barangay.
Suno sa pila ka mga residente nga masami naga-videoke si ‘alog’ nga nagatuga sang disturbo sa mga kasilingan sini.
Nahibaluan nga ginreklamo naman ang amu nga persona bangud sa amu man nga akto.
Matandaan nga sandig sa City ordinance no. 043-2020 ukon ang ‘Regulating the use of videoke machines and other audio amplification equipment in the city of Roxas’ kun sa diin ginabawalan nga magpatukar sang ‘videokehan’ sumugod alas-10:00 sa gab-i tubtob alas-5:00 sa aga, apang may may pila man ka mga exemption.
