Vina Morales, ginkumpirmar nga bulagay na sila sang iya nobyo

Ginkumpirmar sang singer-actress nga si Vina Morales nga bulagay na sila sang non-showbiz boyfriend nga si Andrew Kovalcin.

Wala na naghatag pa ang singer-actress sang detalye sang ila nga pagbulagay.

Dugang pa sini nga malipayon siya subong samtang wala pa sang karelasyon.

Gintugyan na lamang sini sa panahon kun may magaabot nga magapalangga liwat sa iya.

Dugang pa sini nga indi siya pareho sang iban nga babaye nga kun nagbulagay tuman na ang ila nga kasubo.

Tuig 2023 sang magsugod nga isapubliko sang duha ang ila nga relasyon pinaagi sa pag-post sang mga laragway nila sa social media.