Visayas Grid, ginpaidalom sa Yellow alert status bangud sa manipis nga reserba sang kuryente sang pila ka mga planta sa rehiyon

Ginpaidalom sang National Grid Corporation of the Philippines ukon NGCP sa yellow alert status ang Visayas Grid bangud sa manipis nga reserba sang kuryente halin sa mga available nga planta sa rehiyon.

Sa interview sang Bombo Radyo kay Mr. Reagan Alcantara, Lead Specialist sang National Grid Corporation of the Philippines, iya ginpahayag nga kinahanglan  mag-conserve sang konsumo sang kuryente agud malikawan ang mas daku nga problema sa power supply.

Suno kay Alcantara, may mga planta man nga naga-operate apang kulang ang ila kapasidad gani nagnubo ang available nga reserba sang kuryente.

Nagalaom naman ini nga magabalik sa normal ang supply sang kuryente sa tion nga magdugang liwat ang kapasidad sang mga planta nga naga-operate.