Visayas Grid, liwat nga ginpaidalom sa Yellow Alert status bangud sa manipis nga reserba sang kuryente

Liwat nga ginpaidalom sa Yellow Alert ang Visayas Grid sang National Grid Corporation of the Philippines sa sulod sang pito oras subong nga adlaw.

Magasugod yellow alert alas-3 sang hapon tubtob alas-10 sang gab-i nga nagakahulugan sang manipis nga reserba sang kuryente kag posible pila ka mga problema sa mga power plants ukon transmission lines.

Suno sa NGCP, ang available nga kapasidad sang Visayas Grid ang yara sa 2,523 megawatts (MW), samtang ang pinakamataas nga demand nagalab-ot sa 2,405 MW.