Ginpanginwala ni Vitaliano Aguirre II, anay Justice Secretary sa panahon ni anay President Rodrigo Duterte, ang ginapahayag pagkaulamid sa mga extrajudicial killings (EJK) sa war on drugs.
Ginsiling niya na ang pagsambit sa iya sa dokumento sang International Criminal Court bilang co-conspirator ang bangud lamang sa iya nga paging legal counsel sang 2009 sa mga kaso nga may kaangtanan sa Davao Death Squad.
Hugot niya nga ginpahayag nga wala niya ginsuportaran ukon nakigbahin sa ano man nga EJK sang panahon sang iya nga pagpangalagad bilang Justice Secretary umpisa Hunyo 30, 2016 tubtob Abril 5, 2018.
Kalakip man sa listahan sang ICC ang pila ka mga kilala nga personalidad kasubong nanday Sen. Ronald “Bato” Dela Rosa, Sen. Christopher “Bong” Go, kag Oscar Albayalde bilang mga ginaalegar co-perpetrators sa war on drugs.
