Naglapas na sa 400,000 litro sang langis ang nakolekta sang salvor team nagikan sa naglubog nga MT Terra Nova sumugod sang ginsuguran ang siphoning operations sadtong Aug 19.
Suno sa datos sang salvor team, nahimo sini nga makakuha sang tubtob 101,603 litro sang langis nagikan sa naglubog nga tanker.
Sumugod sadtong Agosto-19, may yara na sang kabug-usan nga 402,042 litro sang langis nga nakuha nagikan sa naglubog nga tanker.
Suno sa average, nahimu na sang salvor team nga maka-sipsip sang tubob 13,614 litro sang langis kada oras, malayong-malayo ikumparar sa inisyal nga speed sadtong day 1 sang siphoning operations.
Samtang, ginsiguro naman sang PCG nga nabantayan sa gihapon ang pagtagas sang langis sa kadagatan, kaupod na ang mga naoobserbahan nga oil sheen sa ground zero.
