May pila ka dokumento pa nga ginahulat si Vice President Sara Duterte antes ini magbalik sa pungsod.
Mahibaluan nga yara pa ini sa The Netherlands para bisitahon ang amay nga si Former President Rodrigo Duterte nga sa kustodiya sang International Criminal Court.
Pila sa mga ini amu ang dokumento para sa pag-file nila sang interim release sang anay pangulo.
Kahapon una nga adlaw sang Abril, kaupod sang bise presidente ang utod sini nga si Kitty Duterte.
Wala na ini naghatag pa sang anuman nga detalye nahanungod sa legal nga isyu bangud ginatugyan na lamang niya ini sa iya mga abogado.
Gin-ako sang bise presidente nga nag-angkon sang maayo nga resulta ang pagkapriso sang amay sa ICC bangud nangin malapit na ini sa iya mga utod ilabi na kay Veronica ‘Kitty’ Duterte.
