Pormal na nga ginbaton ni United States Vice President Kamala Harris ang presidential nomination sang Democratic Party.
Gin-anunsyar ini ni Harris sa atubang sang mga tagasuporta sini nga nagtambong sa Democratic National Convention sa Chicago.
“On behalf of everyone whose story could only be written in the greatest nation on Earth, I accept your nomination to be the President of the United States of America” US VP Kamala Harris
Mangin ang running mate sini nga governor sang Minnesota state nga si Tim Walz para sa palaabuton nga eleksyon sa America.
Bago ini, nag-speech man kag nagpakita sng suporta sanday Michigan Governor Gretchen Whitmer kag North Carolina Governor Roy Cooper, pati na ang high-profile Republican nga si Adam Kinzinger.
Sa ikatatlo nga adlaw sang DNC, nagpahayag man sanday anay US President Bill Clinton, anay House Speaker Nancy Pelosi kag TV host nga si Oprah Winfrey.
Matandaan nga ginpili ni US President Joe Biden si Harris nga siyang magabulos sa iya sa election sa bulan sang Nobyembre matapos nga magsabat ini sa panawagan sang mga kapartido nga mag-withdraw na lamang sa eleksyon.
Makasumpong ni Harris sa pagka-presidente si anay US President Donald Trump nga pambato naman sang Republicans.
