VP Sara Duterte, ginklaro nga natuunan lang sa bagyo ang ila nga pagbyahe

Gilayon nga ginklaro ni Vice President Sara Duterte nga natuunan lamang kag wala ginhungod nga magbyahe sang ila pamilya kadungan sa pagpanglaslas sang bagyo kag habagat.

Suno sa bise-presidente, una na ini nga natalana antes paman ang pagbaha nga epekto sang malain nga tyempo.

Sa pagkamatuod, suno diri may travel authority siya nga ginpaguha sang Office of the President sadtong Hulyo 9, 2024.

Ginsiguro man ni Duterte nga apisar wala ini sa pungsod, nagahulag sa gihapon ang iya talataoan agud mabuligan ang mga apektado sang kalamidad.

Samtang, nagpalab-ot man ini sang pagpasalamat sa publiko bangud sa pagrespeto sa iya privacy kag sa mga miyembro sang iya pamilya.